Azərbaycanın azadlığı uğrunda mübarizə tarixinə qəhrəmanlıq səhifəsi kimi daxil olmuş 1990-cı ilin Yanvar hadisələrindən 35 il ötür.

20 yanvar hadisələri xalqımızın yaddaşına əbədi həkk olunub, doğma vətənimizin azadlığı və şərəfini uca tutan, canından keçən qəhrəman Azərbaycan övladlarının xatirəsi qəlbimizdə daima yaşayacaq. 20 yanvar günü tariximizə xalqımızın azadlıq uğrunda mübarizəsinin, yenilməz iradəsinin rəmzi, şərəf günü və qəhrəmanlıq səhifəsi kimi daxil olub, bir daha Azərbaycan xalqının iradəsinin sarsılmazlığını və mətinliyini göstərdi.

17.01.2025-ci il tarixində Səhiyyə Nazirliyi Respublika Gigiyena və Epidemiologiya Mərkəzinin kollektivi Şəhidlər Xiyabanını ziyarət edib, şəhidlərimizin məzarları üzərinə gül dəstələri qoyub onların əziz xatirələrini dərin ehtiramla yad ediblər.

20 Yanvar tarixi şəhidlərimizin qanı ilə yazılmış azadlıq dastanı və Azərbaycan müstəqilliyinin simvoludur. Şəhidlərimizin ruhu qarşısında baş əyərək deyirik: “Siz heç vaxt unudulmayacaqsınız!”

Allah şəhidlərimizə rəhmət eləsin!