ÜST və tərəfdaş ölkələr tütündən istifadəni və sağlamlıq risklərini azaltmaq üçün effektiv siyasəti təşviq etməklə hər il 31 May tarixində Ümumdünya Tütünlə Mübarizə Gününü qeyd edirlər.

 ÜST 1987-ci ildə tütün epidemiyasına və onun bütün dünyada ölümcül nəticələrinə diqqəti cəlb etmək üçün Ümumdünya Tütünlə Mübarizə Gününü təsis edib.  Tütündən istifadə xüsusilə gənclər arasında geniş yayılıb.

ÜST-nin məlumatına görə, dünyada 13-15 yaşlı təxminən 37 milyon yeniyetmə tütündən istifadə edir.

Tütün həmçinin böyük yaşlı insanlar arasında vaxtından əvvəl ölümə və əlilliyə səbəb olur ki, bu da ailə gəlirlərinin azalmasına və səhiyyə xərclərinin artmasına səbəb olur.

2003-cü ildə Ümumdünya Səhiyyə Təşkilatına üzv dövlətləri Tütünlə Mübarizə üzrə ÜST Çərçivə Konvensiyasını qəbul etdilər. Bu günə qədər 182 ölkə 2005-ci ildə qüvvəyə minmiş Konvensiyanı ratifikasiya edib.