Astana Tibb Universitetinin “İctimai Səhiyyə” fakültəsinin tələbələri Səhiyyə Nazirliyi “Respublika Gigiyena və Epidemiologiya Mərkəzi” PHŞ-də təcrübə keçiblər.

Tələbələr mütəxəssislər tərəfindən Respublika GEM-nin strukturu, şöbə, bölmə və laboratoriyalarının iş fəaliyyəti ilə tanış olublar.

Onlar respublika üzrə yoluxucu xəstəliklərin profilaktikası, immunlaşdırma istiqamətində görülən işlər, sanitariya-gigiyenik tədbirlərin, laborator müayinələrin keçirilməsi barədə geniş məlumatlar əldə ediblər.

10 aprel tarixində tələbələr Malyariyanın diaqnostikası üzrə Referans laboratoriyasında malyariyanın mikroskopik müayinəsində parazitin formaları  və 4 növün fərqlənmə cəhətləri ilə qanda və nəcisdə helmintlərin yumurtalarının müayinəsi ilə tanış olub, laborator diaqnostikasını öyrənmək məqsədilə  təcrübələrdə yaxından iştirak ediblər.