İyulun 10-da “Sağlam-radio” 93 FM və 16 iyul tarixində isə  Səhiyyə Nazirliyinin rəsmi İnstaqram səhifəsində Səhiyyə Nazirliyi Respublika Gigiyena və  Epidemiologiya Mərkəzinin Xüsusi Təhlükəli infeksiyalar şöbəsinin müdiri Aytəkin Qurbanova heyvan dişləmələri və quduzluq xəstəliyi mövzusunda maarifləndirici çıxış edib.

Yayım zamanı GEM-in rəsmisi heyvanlar tərəfindən törədilən xəsarətlər nəticəsində baş verə bilən xəstəliklər, xüsusi ilə quduzluq xəstəliyi barədə geniş məlumat verib.

 Heyvan dişləmələri, çırmaqlaması və tüpürcəkləməsi zamanı ilkin tibbi yardım və təyin edilən müalicə kursunun qaydaları izah edilib.     

Həmçinin, yayım zamanı dinləyici və izləyicilər tərəfindən verilən suallar ətraflı şəkildə cavablandırılaraq, mövzü barədə məsləhət və tövsiyələr verilib.