Səhiyyə Nazirliyi Respublika Gigiyena və Epidemiologiya Mərkəzinin uşaq və yeniyetmələrin gigiyenası bölməsinin mütəxəssisləri tərəfindən Suraxanı rayon ümumtəhsil orta və məktəbəqədər təhsil  müəssisələrinin rəhbər, tibb işçiləri və pediatrların iştirakı ilə tədbir keçirilib.

Tədbirdə prioritet məsələlərə toxunulub. Belə ki, uşaqların və yeniyetmələrin təhsili və tərbiyəsi, sağlamlığının qorunması, sanitariya-məişət təminatı, əmək və istirahət şəraiti üzrə sanitariya qanunvericiliyinin tələblərini tənzimləyən sanitariya normalarına və qaydalarına, gigiyena normativlərinə əməl oluması mövzuları barədə təqdimat nümayiş olunub. Təqdimat zamanı aktiv həyat tərzi, fəal istirahət, uşaq və yeniyetmələr arasında tütünçəkmənin zərərləri  barədə  tədbir iştirakçılarının sualları cavablandırılıb.

Tədbir iştirakçılarına müxtəlif mövzularda təbliğat materialları təqdim edilib.