COVID-19 əleyhinə Vaksinasiyaya Dəstək layihəsi
Vaksinlərin soyuq zəncir sistemi çərçivəsində saxlanılması və daşınması olduqca vacibdir. Soyuq zəncir sistemində temperatura davamlı nəzarət məqsədilə Avropa İttifaqının maliyyələşdirdiyi və Ümumdünya Səhiyyə Təşkilatının (ÜST) həyata keçirdiyi COVID-19 əleyhinə Vaksinasiyaya Dəstək layihəsi çərçivəsində Gigiyena və Epidemiologiya Mərkəzlərinə və peyvənd məntəqələrinə verilmiş. bütün soyuducular 30-günlük temperatur monitorinq cihazları ilə təchiz olunmuşdur ki, bu da soyuq zəncir sisteminin gücləndirilməsinə xidmət edir.
Layihə çərçivəsində təchiz olunmuş soyuducular və “Fridge-tag2” – 30-günlük temperatur monitorinq cihazının quraşdırılması və istifadəsinə dair 2022-ci ilin dekabr ayında Vestfrost şirlkəti və ÜST-nin Avropa üzrə Regional Ofisinin ekspertləri tərəfindən onlayn təlim keçirilmişdir, keçirilən təlimə 300-dək iştirakçı - Aİ-ÜST layihəsi çərçivəsində soyuducu və “Fridge-tag2” ilə təmin olunmuş respublikanın şəhər və rayon Gigiyena və Epidemiologiya Mərkəzlərinin, tibb müəssisələrinin və digər tabeli dövlət tibb müəssisələrinin əməkdaşları qatılmışlar.