Bu il, Ümumdünya Səhiyyə Təşkilatı 7 aprel – Ümumdünya Sağlamlıq Gününün “Həyata sağlam başlanğıc-sağlam gələcəyin açarıdır” devizini elan edərək ictimaiyyəti qadın sağlamlığının qorunmasına dəstək olmağa çağırıb.

Ana və yenidoğulmuş körpələrin sağlamlığı – sağlam ailə və cəmiyyətin təməli olaraq hər birimiz üçün firəvan gələcəyin açarıdır.

Bu çağırış həlledici məna daşıyır. Kampaniyanın məqsədi ana və yenidoğulmuşların ölüm nisbətlərinin aradan qaldırılmasına, bütün ana və körpələrin sağ qalmaq və sağlam yaşamağı üçün lazım olan qayğı ilə təmin olunmasının vacibliyi haqqında məlumatlılığı artırmaqdır.

Hər il 300.000-ə yaxın qadın hamiləlik və doğuş səbəbindən həyatını itirir, 2 milyondan çox körpə həyatının ilk ayında tələf olur və 2 milyondan çoxu ölü doğulur.

Dünyada bütün qadınların hamiləlik müddəti, doğuş zamanı və doğuşdan sonrakı dövrlərində yüksək keyfiyyətli qayğıya, fiziki və emosional dəstəyə ehtiyacı vardır.

ÜST 7 aprel 2025-ci ildə qeyd olunan Ümumdünya Sağlamlıq Günü ana və yeni doğulanların sağlamlığı ilə bağlı bir il davam edəcək maarifləndirmə kampaniyasına başlayacaq.

“Həyata sağlam başlanğıc sağlam gələcəyin açarıdır” devizi ictimaiyyəti ana və uşaq ölümlərinin qarşısını almaq üçün səyləri artırmağa və ümumilikdə qadınların sağlamlığına və rifahının yaxşılaşdırılmasına çağıracaq.

ÜST və tərəfdaş ölkələr hamiləlik, doğuş zamanı və doğuşdan sonrakı dövrdə sağlamlığın təşviqi ilə bağlı faydalı məlumatlar paylaşacaq:

Maarifləndirmənin artırılması:

Ana və yeni doğulmuş körpələrin sağlamlığı və qadınların uzunmüddətli rifahının  

yaxşılaşdırılması barədə məlumatlılığın artırılması.

Effektiv investisiyalar:

Qadın və yeni doğulmuş körpələrin sağlamlığının yaxşılaşdırılması üçün görülən

tədbirlərə effektiv investisiyanın tərəfdarı olmaq.

Dəstəyin mobilizasiyası:

Ailələrə və tibb işçilərinə dəstək olmaq üçün kollektiv fəaliyyətin təşviq edilməsi.

Məlumatların paylanması:

Hamiləlik, doğuş və doğuşdan sonrakı dövrlə bağlı məsələlərə dair faydalı tibbi məlumatların verilməsi.