Koronavirus (COVID-19) xəstəliyinə yoluxma hallarının yenidən artmasının qarşısını almaq məqsədi ilə Dövlət Sanitariya – Epidemioloji Xidmətinin əhaliyə müraciəti
Koronavirus (COVID-19) xəstəliyinə yoluxma hallarının yenidən artması ilə əlaqədar olaraq özünüzün və ətrafınızdakı insanların sağlamlığını qorumaq üçün aşağıdakı qaydalara əməl edin:
- Əllərinizi müntəzəm olaraq spirt əsaslı vasitələrlə silin və ya sabunla yuyun;
- İctimai yerlərdə məsafəni gözləyin – insanlardan ən azı 1 metr məsafədə dayanın;
- Əllərinizlə gözlərinizə, burun və ağzınıza toxunmayın;
- Öskürək və asqırma zamanı ağzınızı və burnunuzu birdəfəlik salfetlə və ya dirsək büküşü ilə örtün, istifadədən sonra salfeti zibil qutusuna atın və əllərinizi yuyun və ya dezinfeksiya edin;
- İctimai və qapalı yerlərdə maska taxmağınız məsləhət görülür;
- Qapalı yerləri mütəmadi olaraq havalandırın;
- Buster doza ilə peyvənd olunmağınız vacibdir!
